上禮拜，
張若昀主演嘅《雪中悍刀行》開播
呢部劇改編自烽火戲諸侯同名小說
主要講述“徐鳳年”為母報仇路上
不斷增值自身同時還收納賢才
最終成為“北涼王”的故事
因為佢係由《慶餘年》嘅班底打造嘅
張若昀再次擔綱古風大男主嘅劇
大家對《雪中悍刀行》嘅期待值都好高
but
願望再美好總會輸俾現實嘅骨感
電視劇播出第一日
網友就大呼“悍刀行什麼都不行”
濾鏡？綠鏡！
首先最多人吐槽嘅就係佢個濾鏡
唔知係米為咗打造古風夢幻嘅景象
呢部電視劇用咗一個暗得嚟偏綠嘅濾鏡
令整體畫面呈現青黃色嘅視覺效果
但係因為實在太“綠”了
將劇入麵人物塊面都濾成咗青銅色
演員已經被綠成咗“兵馬俑”
引起網友不適
而導演就話
呢部劇佢哋係按電影嘅質感嚟製作
檢查工作都喺用大熒幕嚟做
但係觀眾可能只係用手機睇片
大家追求嘅嘢同感受到嘅會有差異
打戲？慢鏡！
第二個俾好多人吐槽嘅point
就係入面嘅武打戲份
居然係用慢鏡頭呈現
出手之前喺半空飛咗15秒再慢慢落地
隔住螢幕都替佢著急
驚佢未飛完啲敵人就走曬
終於飛完落地慢慢行
一步一步向前行
啲敵人又真係等佢行完先開打哦
終於等到開打
大家以為戲肉要嚟
點知繼續慢鏡頭
每一招都逐幀定格
一丁點武打戲嘅暢快淋漓都feel唔到
導演又話了
打戲唔一定拳拳到肉、刀刀見血
一個武林高手
打起來就儘量飄逸啲、靚啲
每個角色嘅招數都會有差異
段位越高就越睇唔出佢用咩招數
呢啲橋段都係特登設計出嚟嘅
劇情?拖沓！
依家咩都興“快”
大家工作生活嘅節奏都好趕
經常忙裡偷閒鬆一鬆
先有機會可以煲下劇、睇下片
所以一般電視劇都追求劇情緊湊
等大家嘅情緒跟住主線
快快進入狀態之餘追住個劇情走
而《悍刀行》就反其道而行之
將劇情變得好慢
有網友表示
自己睇第一集已經失去耐性
而導演現身說法
就話咁係特登嘅
希望大家可以坐喺張凳上
靜靜欣賞呢個故事
幾分鐘就一個高潮跌宕
觀眾唔一定會買賬
反而係認真去做有感情嘅事
先至係最重要嘅嘢
女主？唔掂！
《悍刀行》中嘅女主角
人設係“亡國公主”
由00後小花李庚希飾演
網友話個女主成日就嘟嘴扮嬲
睇落就唔似亡國公主對仇人嘅不滿
更似小女生同心上人撒嬌
舉止儀態都唔似皇族
而且仲有質疑佢演技嘅聲音
話佢全程就好似木頭念臺詞咁
冇表情又冇肢體更加冇感情
李庚希之前喺《小歡喜》入面
飾演嘅“英子”清純可人
收穫咗唔少好評
然而當佢“穿越”到古代
從造型到演技都即刻暴露短板
有人建議佢
係米應該趁後生再去進修一下
佢就因為曾經被學校拒絕過
所以（死要面）唔會再去讀書
其實仲咁後生
係米認真打磨&沉澱自己會更好咧
▓▓▓▓▓▓▓▓▓▓▓░░░░努力載入中……
其實套劇依家先播到四分之一
後面嘅劇情發展仲係未知數
大家不妨試下放下成見去睇
或者可能發現佢唔一樣嘅亮點咧
而最近除咗《雪中悍刀行》
都仲有好多值得觀摩嘅電影電視劇
不妨睇下啱啱上線嘅685期Color
至潮最IN嘅煲劇、搜影指南都喺曬入面
MORE
今日娛樂看點
刪除王力宏
電視劇《大決戰》依家正在重播
片尾曲《寸心》
本來係由王力宏&譚維維合唱
央視一套將片尾曲替換成女聲獨唱版
且片尾字幕“王力宏”的名字直接淡化
胡先煦瘦咗15斤
小胡為了電視角色瘦身15斤
工作室用漫畫形式
公開佢嘅瘦身“捷徑”：
“控制飲食+高運動量”
冰雪大世界主塔封頂
每年哈爾濱嘅冰雪大世界園區
都會根據最新活動更換主題
今年主題為“冬奧之光 閃耀世界”
主塔“聖火之巔”日前已經封頂
來源：可樂生活報#685、
微博、豆瓣綜合整理
編輯：郭瑋
*文中圖片版權歸原作者所有，
如涉及侵權請聯絡，立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
