隨住第34屆金雞獎
正式拉開帷幕，
今年嘅“星辰大海”計劃
亦同時按下開啟鍵。
嗱嗱嗱~唔好誤會！
呢個“星辰大海”就並唔係
劉濤同林峰“豪門虐戀”嘅
嗰個《星辰大海》電視劇。
今日要講嘅其實係
電影頻道“星辰大海”
青年演員優選計劃。
呢個計劃係為青年演員提供全方位、
立體化展示與提升自我的舞臺，
旨在為振興發展中國電影事業
輸送強有力的後備力量。
2019年首次推出，
今年已經係第三屆。
昨日該計劃釋出咗
2021年度入選名單：
經前輩電影人推薦，
有張子楓、劉浩存、陳都靈、
林允、施柏宇、王鏘、
吳宣儀等40位青年演員入選，
成為新一年度“星辰大海”成員。
<上下滑動可檢視完整名單↓>
呢份名單一出，
即刻引來諸多關注與討論。
好多網友嘅第一反應都係：
哇好多人，
但係嗌得出名嘅有幾個?
又好難怪網友期待值高啵，
話到明“青年演員優選計劃”，
演技、口碑、作品……
隨便一樣都要有啲知名度吧。
而且往屆入選嘅青年演員陣容，
周冬雨、王俊凱、易烊千璽
劉昊然、楊紫……
避談資歷，都叫群星薈萃。
睇翻今年嘅陣容，
陳都靈、林允、劉浩存、
王鏘、徐嬌呢幾位
都係往屆老成員。
新入選嘅成員中，
作品、知名度、獎項等各方面
都比較拿得出手嘅電影人，
似乎只有張子楓，
在呢批名單中甚至
“過分顯眼”而有啲格格不入。
（似用嚟撐場宣傳多）
而其他成員中，
部分如周雨彤、蘇曉彤等，
演技口碑不俗，
近年劇集作品熱度唔差，
不過在大熒屏上冇太多涉足；
部分如吳宣儀、謝可寅、吳宇恆
等秀人愛豆轉型拍戲，
尚未有出圈作品；
以及更多陌生嘅新面孔。
所以又好難怪網友瘋狂問號，
表示睇唔明呢個入選標準嘅。
可能主辦方都估到
大家有諸多迷惑，
直播嗰陣都有作解答，
簡單嚟講，成為入選者嘅
前提條件係藝人要先報名，
由前輩、院校、專家等
進行推薦、選拔等。
點解xxx冇嚟有好多原因，
不過點解xxx會嚟就比較簡單啦~
雖然喺觀眾睇嚟，
往屆成員只不過係影個合照，
拍個主題曲MV，
再喺金雞獎閉幕式露個面。
（ps：劉昊然嘅“絕靚”歌喉素材就出於此）
似乎並唔覺得
呢個計劃可以帶來乜益處。
但對於多數等緊出頭機會嘅
“小透明”們，
點都算係個露面嘅舞臺。
而且雖然今屆陣容大縮水，
但聲勢都幾浩大噶。
今次40位青年演員
將組隊前往廈門各地，
透過隨機抽題等儀式感環節
開啟為期“三天三夜”嘅
生活創作採風及德藝考驗。
淡妝出鏡，統一隊服，
開營儀式於今早7：30啟動，
抽完題直接去體驗生活，
無劇本，全紀實，
相比濾鏡幾重厚嘅綜藝節目，
有種樸實無華嘅新鮮感。
任務方面都幾多花臣噶，
有下村勞作、進店打工等
務實型體驗環節，
亦有林一、沈月抽到嘅
“給廈門下一場雪”嘅新奇任務。
據悉，仲會有多位
有口皆碑嘅行業前輩
以神秘嘉賓身份亮相直播，
向初出茅廬的青年演員們
提供德藝指導添。
Anyway~
正所謂長江後浪推前浪，
希望未來咁多位新丁
真係可以用強有力嘅作品
成為能掀起水花嘅後浪吧！
你最睇好邊個青年演員？
歡迎留言同我哋分享吖~
來源：綜藝截圖、微博
網路資訊綜合整理
編輯：陳祉伶
*文中圖片版權歸原作者所有，
如涉及侵權請聯絡，立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
