過年咁開心
大家一定周圍派逗利是啦
明星藝人一樣都趁住假期
去朋友屋企拜年啦
陳山聰個仔仔Jaco
早早就學定一手
“逗利是”好本領
氹到李施嬅三兩下就送上利是
兩人仲大細手互相擊拳祝福
畫面溫馨歡樂
輪到胡定欣上場嘅時候
唔知點解Jaco就開始扭扭擰擰
“請請手”又唔願意
“恭喜發財”又唔肯講
仲要不斷擰歪面避開定欣
無計可施嘅定欣最後
無奈直接送上利是
Jaco摞完連“多謝”都唔肯講
激到定欣督住佢心口話
“你好自為之！”
場面好好笑
陳山聰仔仔差別對待兩個大姐姐
好多網友講笑話一定係山聰教嘅
因為佢哋都好熟又好玩得
大家都一笑置之、當過年開心下
點知最近有媒體曝大鑊
話山聰喺社交平臺留言
因為定欣有“體臭”
所以先唔得仔仔心
俾定欣知道後
致電“鬧爆”佢“係米玩嘢！”
山聰知道自己“玩大咗”
話要送翻大利是俾人補數
雖然大家都知定欣“發嬲”都係開玩笑
但可以賺翻個大利是啵
都算係個新年好兆頭啊
過年前定欣仲曬出
自己為新劇《破毒強人》
駁發打造嘅新形象
久違嘅大波浪長髮look
大家都贊佢好睇
仲撞面鄧紫棋勁顯後生添
話說佢係《破毒》入面
會再次搭檔曾經嘅“視帝”陳豪做CP
繼《鬼同你OT》《來自喵喵星的你》後再合作
相信會十分有睇頭
《鬼同你OT》
《來自喵喵星的你》
而去年年底
胡定欣參演嘅
警匪系列電影《臨時劫案》
亦順利殺青啦
佢喺入面會演一個家境麻麻嘅大肚婆
日日仲會同“影后”鮑起靜飾演嘅“奶奶”
上演婆媳“大龍鳳”吵個不停
黑色幽默得嚟又夠貼地
其實定欣同鮑姐
之前喺《同盟》都有合作
當時好多鏡頭都“動刀動槍”
今次就改為“唇槍舌戰”
應該更有意思
已經唔係第一次扮“大肚婆”嘅定欣
係《臨時》入面又“重操舊業”
唔知又可以俾到咩驚喜大家咧
胡定欣曾經扮大肚警察坨B抓賊
開年就有山聰嘅大利是收
接下來又有同大牌搭檔嘅
影視作品陸續會上線
睇嚟今年嘅定欣都幾旺
資料來源：豆瓣、微博
網路資訊綜合整理
編輯：郭瑋
*文中圖片版權歸原作者所有，
如涉及侵權請聯絡，立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
