提起國內長做長有嘅老牌綜藝，
《最強大腦》都算係擁有姓名，
唔經唔覺，
第9季都已經官宣到貨！
呢檔大型腦力競技真人秀，
自2014年起一年一會，
靠住花哩花碌嘅測試考題，
同高智商大神之間的熱血battle，
都吸引咗唔少粉絲年年追更。
雖然近幾年嘅節目
因主創團隊更換、黑幕傳聞等
各種原因惹來唔少爭議，
不過依然有好多人爭住上去玩一玩。
連當年尚未成家嘅賭王仔何猷君
都去過節目兜咗一轉鍍金添。
不過節目做得耐，
難免陷入審美疲勞嘅瓶頸期，
加上近兩年嘅節目瘋狂掉分，
今年嘅《最強大腦9》痛定思痛，
搞咗唔少新動作。
首先係參賽選手減半壓縮至42人，
對選手人設塑造變得更有針對性，
有利於幫助觀眾更快速地
記住呢班素人選手以及
融入到節目所設定嘅故事線中。
雖然大家都覺得綜藝有劇本唔好，
但其實合理地打造故事線
確係幫一套綜藝增加看點嘅好辦法。
常見嘅炒cp、改個霸氣嘅花名
加花字特效引導氛圍等
其實都係幫嘉賓立人設，
為節目增加記憶點。
人數大幅減少，競爭冇咁激烈？
選手參賽門檻就要更高啦
有來自名牌高校嘅各路學霸
參戰為學校爭光。
又有職場精英突破自我
嚟挑機巔峰狀態嘅學子們。
其中比較令人關注嘅係
“網路人氣選手”梯隊，
包括去年天梯排名top1
因學業退賽嘅朱科祺 。
往屆女腦王有力競爭選手，
擔任過《最強大腦》出題人嘅
蔡洋洋
除咗往屆“意難平”選手，
呢個梯隊中仲有
因戀綜《喜歡你我也是》圈粉嘅劉問
浙大頭號搞笑博主陳嫻
以及粉絲超五百萬的Adam陳老絲
佢哋畢業院校都幾有睇頭！
另外，常駐嘅明星觀察員
有王耀慶、郭麒麟、呼蘭，
呢三位都係出名轉數快、口才正，
活躍氣氛同觀點輸出都唔使愁。
飛行嘉賓方面暫未官宣，
但睇翻以往嘅嘉賓陣容，
都幾捨得落本，
白敬亭、李宇春、張若昀、
謝霆鋒等都有上嚟玩過。
喺賽制方面，
今季會推出“時間規劃局”特別企劃，
打造雙軌制、天使輪、點位排名、
時間密室、時間劇本、全時之戰等
“不明覺厲”嘅全新玩法，
相信比起往年更加刺激熱血！
資料來源：微博、豆瓣
網路資訊綜合整理
編輯：陳祉伶
*文中圖片版權歸原作者所有，
如涉及侵權請聯絡，立即刪除
掃描下方二維碼訂閱
【微店】可樂生活小店
【淘寶】羊晚生活館
【郵政】中國郵政微郵局
▼
>>>
一次過get可樂報詳細內容
羊城晚報報業集團旗下優秀生活類媒體可樂生活Color，度身打造專屬廣州人的吃喝玩樂指南，潮流風向標資訊。
